Snjókaka

Það er búið að vera viðburðarík vika hjá mér, að vísu ekki jafn viðburðarrík og allt síðasta ár, en ágæt samt. Ég er búinn að bera marga kassa, pakka niður og koma mörgu fyrir á nýjum stöðum. Búið að vera einkar skemmtilegt. Mér finnast svona hlutir skemmtilegir.

Svo er komið föstudagskvöld, ég er úrvinda heima hjá mér, kem mér samt ekki inn í rúm. Nokkur bréf sem þarf að klára, fara yfir bókhald, moppa gólf, tengja græjur og koma sér fyrir. Sem minnir mig á þvott sem bíður í þvottavélinni. En áðan þegar ég var um það bil að koma mér í rúmið, þá byrjaði að snjóa. Mikið rosalega var snjókoman falleg. Ég gat bara ekki hugsað mér að missa af þessari fallegu snjókomu þar sem stór snjókornin féllu ofurvarlega til jarðar, svo varlega að þau varla snertu jörðina þegar þau stöðvuðu ferð sína. Þetta minnti mig á það þegar hér var alvöru vetrarveður, fólk var inniloka í húsum sínum dögum saman, skóla var aflýst nokkra daga í röð og jafnvel rafmagnsleysi.

Til þess að halda sér vakandi bakaði ég köku. Það snjóaði allan tíman sem að það tók kökuna að bakast, kælast en einnig allan þann tíma sem það tók mig að smyrja kökuna kreminu. Ísköld mjólkin og nokkrar kökusneiðar halda mér vakandi núna, löngu eftir að hætt er að snjóa. Ég er kominn í slopp og lopasokka. Næst er það bókin sem fer með mér upp í sófa, sem vonandi verður síðasti viðkomustaður fyrir rúmið.

Velkomin aftur á bloggið mitt. Gaman að sjá ykkur aftur hér.

Athugasemdir

[Anna Sigga, 12.1.2008 kl. 12:16]

vert ÞÚ velkominn aftur!! Ég er búin að vera hérna allann tímann :) Gleðilegt nýtt ár Gullið mitt... það varð e-ð lítið úr hittingi hjá okkur líkt og fyrri daginn. Mér lest á færslu þinni að þú sérst ánægður og það gleður mig (ef sú lesning mín er rétt)

 Verum í sambandi. Já og Tanja Ufer biður að heilsa þér ;)

Þín Anna Sigga

[Anna Vala (IP-tala skráð) 12.1.2008 kl. 15:05]

Elskan min...thetta er falleg faersla. Mikid myndir thu blogga fallega ef ad thu vaerir i Kenya.

Sakna thin ofurmikid ALLTAF

[Anna Margrét Ólafsdóttir, 13.1.2008 kl. 13:12]

Eeeeelsku Gulli!! gleðilegt nýtt ár!! Megi gleði og gæfa leggja þig í einelti árið 2008:-) luv

[Sigga systir (IP-tala skráð) 13.1.2008 kl. 14:29]

Var þetta siffonsloppur?

[Guðlaugur Kristmundsson, 13.1.2008 kl. 15:43]

He he, nei þetta var ekki siffonsloppur. Hann er dökkblár með kínamynstri, fékk hann sem gjöf frá sambýlismanni, fyrrverandi sambýlismanni.

[Sæunn (IP-tala skráð) 14.1.2008 kl. 01:06]

Jeij! Jú ar bakk. Gaman að "sjá" þig aftur, haltu áfram að blogga

[Palli Freyr (IP-tala skráð) 14.1.2008 kl. 14:38]

Takk fyrir að fljúga með mig frá Manchester fyrir jólin!  Ég kíki alltaf annað slagið á bloggið þitt - gaman að þú skulir vera kominn aftur

[Anna Þóra (IP-tala skráð) 14.1.2008 kl. 23:54]

Gleðilegt nýtt ár, gaman að kíkja við hjá þér :0)

[Eygló (IP-tala skráð) 16.1.2008 kl. 14:37]

Gvuð hvað ég er glöð að "sjá" þig aftur